Sya'iran Santri Salafy Pepeling santri
Bismillah janten ngawitan - Ngadamel iyeu syairan
Seja ngalap kaberkahan - Sareng ka manpa'atan
Ilmun urang ngaji - Sing taliti jeung gumati
Tanyakeun nu teu ka harti - Ka jalmi nu langkung ngarti
Eling-eling santri-santri - Khususna santri lalaki
Masing bisa nahan diri - Kade ka goda ku istri
Oge jeung ka santri istri - Masing suhub dina ngaji
Kudu nahan harga diri - Kade karayu lalaki
Umumna ka sadayana - Anu kertolabul ilmina
Pameget sareng istrina - Masing khusu ngarajina
Keur ngaji loba gogoda - Lain beja jeung carita
Tapi etateh fakta - Komo ku masalah cinta
Dina ngaji kudu leukeun - Kudu daek ngarapalkeun
Nu hese buru tanyakeun - Ulah osok di engkekeun
Mun ngaji teh kudu yakin - Kudu sabar jeung prihatin
Sareng ulah loba ulin - Jeung ngajina sing tarikin
Lamun ngaji bari khusyu - Pastina teh bakal timu
Kana sadayana elmu - Nu di pasihkeun ku guru