LIRIK SYAIRAN - Nalangsa Can Bisa Ngaji

Nalangsa Can Bisa Ngaji

Ku bismillah di kawitan         =        Abdi ngarangkai syairan

Syair tentang kahirupan         =        Abdi nu di pamondokan

Lamun hayang bisa ngaji       =        Entong loba nonton tv

Komo noong bujur meri        =        Bisi di tampiling banci

Duh gusti kudu kumaha        =        Abdi ngaos engges lila

Tapi angger hente bisa           =        Era ku calon mitoha

Unggal poe unggal waktu    =        Hente bosen ngala elmu

Sabab abdimah rumasa        =         Lain turunan ulama

Unggal bulan dikiriman        =         Beas duit kadaharan

Sakapeung mah osok era       =        Can bisa mulang tarima

Unggal subuh kabeurangan    =    Ngaji ge kadang nunutan

Sabab peuting kurang sare    =    Mikiran hanca nu hese

Kadang sare henteu tibra    =    Kusabab loba tumila

Nyongcongan kana salira    =    Ripuhna meni kacida

Lamun datang waktu ngaji    =    Tara geuwat ka cai

Meakeun hela ci kopi    =    Kopi sesa nu kamari

Mun di taros ku pun guru    =    Ditaros bab sorof nahwu

Puguh ge tara ngapalkeun    =    Abdi tungkul bari mengpeun

Beuteng geus kukuruwukan    =    Hayang geura di eusian

Ku pasak jeung lauk teuri    =    Sambel na sambel tarasi

Pas ngadenge wallahu'alam    =    Tina lambey mama ajengan

Duh gusti alhamdulillah    =    Beres ngaji meni bungah

Lamun ngomongkeun cinta    =    Santri teu bisa kumaha

Manehna ngandelkeun do'a    =    Eleh kunu boga ninja

Abdi ngadamel syairan    =    Nuju teu puguh emutan

Dikantun nikah ku mantan    =    Nu teu gableg rarasaan